អតីតខ្សែប្រយុទ្ធក្រុមបិសាចក្រហម Manchester United, Javier Hernandez រឺ Chicharito បានត្រលប់ទៅកាន់ក្លិបដើមវិញហើយ គឺក្លិបនៅទឹកដីកំណើតប្រទេសម៉ិកស៊ិក Chivas Guadalajara នៃក្របខណ្ឌកំពូលម៉ិកស៊ិក។
កីឡាករវ័យ 35 ឆ្នាំដែលចំណាយពេល 3 ឆ្នាំនៅក្របខណ្ឌកំពូលអាមេរិក Major League Soccer
ជាមួយ LA Galaxy រូបនេះបានផ្លាស់ទៅកាន់ Chivas ដោយមិនមានតម្លៃផ្ទេរបន្ទាប់ពីចាកចេញពី LA Galaxy នៅខែវិច្ឆិកាឆ្នាំមុន។
Chicharito ជាកីឡាករដែលចេញពីយុវជនថ្នាលរបស់ Chivas ស្រាប់ និងបានចូលលេងក្រុមធំពីឆ្នាំ 2006 ដល់ 2010 មុនពេលផ្លាស់ទៅកាន់ទឹកដីអឺរ៉ុបជាមួយបិសាចក្រហម Manchester United។
ក្នុងពេលនៅទឹកដី Old Trafford ដែលជំនាន់នោះស្ថិតក្រោមការដឹកនាំរបស់ Sir Alex Ferguson នោះ Chicharito បានរួមចំណែកជួយក្រុមឈ្នះជើងឯក Premier League ពីរលើកនៅរដូវកាល 2010-11 និង 2012-13 និងជាសមាជិកក្រុមដែលបានត្រឹមជើងឯករង Champions League នៅរដូវកាល 2010-11 ផងដែរ។
ចាកចេញពី Manchester United, Javier Hernandez បានផ្លាស់ទៅកាន់ Real Madrid, Leverkusen, West Ham និង Sevilla ហើយរូបគេគឺជាអ្នកស៊ុតបញ្ចូលទីច្រើនជាងគេឱ្យក្រុមជម្រើសជាតិម៉ិកស៊ិកផងដែរសរុប 52 គ្រាប់៕
The post Chicharito អតីតសមាជិក Man United វិលទៅក្លិបដើម Chivas Guadalajara appeared first on zoo666.
Source: Sport News Zoo666
