កីឡាការិនីស្នូកឃ័រ និងប៊ីយ៉ាកម្ពុជា ស្រួង ភាវី បានឈ្នះជើងឯកពិភពលោក LPBA ឆ្នាំ២០២៤ បន្ទាប់ពីបានយកឈ្នះកីឡាការិនីរ៉េខាងត្បូង Jung-suk Lim នៅវគ្គផ្តាច់ព្រ័ត្រកាលពីរសៀលថ្ងៃអាទិត្យ ទី១១ ខែកុម្ភៈ ឆ្នាំ២០២៤។ នេះជាការឈ្នះលើកទី៧របស់កីឡាការិនីកម្ពុជា។
PBA គឺជាសមាគមកីឡាប៊ីឡាដអាជីពដែលស្ថិតក្រោមសមាគមកីឡាប៊ីយ៉ា និងស្នូឃ័រអាជីពពិភពលោក WPBSA ដែលត្រូវបានបង្កើតឡើងតាំងពីឆ្នាំ១៩៤៦។ និយាយដោយឡែកតែ PBA មានវិញ្ញាសាចំនួន៤គឺវិញ្ញាសាឯកតជន PBA សម្រាប់បុរស វិញ្ញាសាឯកតជន LPBA សម្រាប់នារី វិញ្ញាសាឯកតជន Dream សម្រាប់បុរស និងវិញ្ញសាឯកតជន Challenge សម្រាប់បុរស។
វិញ្ញាសាឯកតជននារី LPBA ប្រជុំដោយកីឡាការិនីទូទាំងពិភពលោកចូលរួមប្រកួតប្រជែងជារៀងរាល់ឆ្នាំ។ រហូតដល់ពេលនេះកីឡាការិនីកម្ពុជា ស្រួង ភាវី បានឈ្នះ៧ដង។ គិតត្រឹមដើមឆ្នាំ២០២៤នេះ កីឡាការិនីកម្ពុជាកំពុងឈរចំណាត់ថ្នាក់លេខ២ក្នុងតារាងដែលមានកីឡាការិនីទូទាំងពិភពលោកចំនួន១២៥នាក់។
ចំណាត់ថ្នាក់លេខ១កំពុងកាន់កាប់ដោយកីឡាការិនីជប៉ុន Ayako Sakai ប៉ុន្តែនៅមិនទាន់ដឹងច្បាស់ថាតើ តារាងចំណាត់ថ្នាក់នឹងប្រែប្រួលយ៉ាងណា បន្ទាប់ពីកីឡាការិនីកម្ពុជា ស្រួង ភាវី បានឈ្នះជើងឯកលើកទី៧ ខណៈកីឡាការិនីជប៉ុនមិនមានវត្តមានទេ។
ចំណែកកីឡាការិនីកូរ៉េខាងត្បូង Jung-sum Lim ដែលចាញ់ ស្រួង ភាវី ម្សិលមិញនេះស្ថិតនៅចំណាត់ថ្នាក់លេខ៧។
ក្រៅពីវិញ្ញាសា LPBA ដែលបានឈ្នះ៧ដង ស្រួង ភាវី ធ្លាប់ឈ្នះជើងឯកវិញ្ញាសា 3-Cushion ក្នុងការប្រកួតជើងឯកអាស៊ី ZANCA 1st Asian Championship ឆ្នាំ២០១៨ នៅប្រទេសកូរ៉េខាង និងចំណាត់ថ្នាក់លេខ៣ ពិភពលោកវិញ្ញាសាដដែលនេះនៅប្រទេសតួកគីឆ្នាំ២០១៨ និង២០១៩។ វិញ្ញាសាដដែលនេះ ភាវី បានឈ្នះមេដាយមាសស៊ីហ្គេម ឆ្នាំ២០២៣ និងបានឈ្នះមេដាយសំរិទ្ធស៊ីហ្គេម ឆ្នាំ២០២៣ សម្រាប់វិញ្ញាសា 1-Cushion៕
The post ស្វែងយល់ជើងឯកពិភពលោក LPBA ស្រួង ភាវី ឈ្នះលើកទី៧ម្សិលមិញ appeared first on zoo666.
Source: Sport News Zoo666
